Asani e nisi karrierën si futbollist me klubin e qytetit Vardar. Ai debutoi si profesionist më 25 gusht 2013 kundër ekipit Turnovo, duke u aktivizuar si zëvëndësues në minutat e fundit.
Asani luajti me disa ekipe moshash të Maqedonisë para se në vitin 2016 të merrte pasaportën shqiptare dhe të kalonte te Shqipëria, duke luajtur fillimisht me ekipin nën-21. Ai luajti vetëm një ndeshje me ekipin nën-21, një ndeshje miqësore kundër Arabisë Saudite.
Më 23 shtator 2017, Asani u transferua te Partizani pas përfundimit të merkatos, duke firmosur për katër vite. Si pasojë e kësaj, ai u detyrua të luante me ekipin B. Asani debutoi me ekipin e parë më 29 tetor kundër Flamurtarit.
Në janar 2020, Asani u huazua te klubi suedez AIK Fotboll deri në fund të sezonit me të drejtë blerje për 400,000 €. Ai shënoi në debutimin e tij me fitoren 2–0 kundër Örebro SK më 14 qershor. Më 28 dhjetor 2022, Asani u transferua te klubi koreano-jugor Gwangju FC në një marrëveshje dy-vjeçare.
Asani u thirr për herë të parë në ekipin e parë për kombëtaren nga trajneri i ri Sylvinho për ndeshjen hapëse të fushatës kualifikuese të Euro 2024 kundër Polonisë më 27 mars 2023. Ai luajti si titullar për 70 minuta me Shqipërinë që u mposht 1–0.
Asani shënoi golin e parë me kombëtaren në ndeshjen e dytë kualifikuese kundër Moldavisë, duke ndihmuar Shqipërinë të fitonte 2–0 në Air Albania Stadium, ai mposhti portierin me një gjuajtje me hark nga distanca që u shpall goli i javës nga UEFA. Më 7 shtator, Asani shënoi golin e dytë me kombëtaren, në fitoren 2–0 kundër Polonisë në shtëpi që e vendosi Shqipërinë në vendin e parë të Grupit E me 10 pikë dhe goli i tij u shpall sërisht goli i javës nga UEFA.
Nga një djalosh i thjesht që luante për ekipet e qytetit Asanit iu dha çmimi “ Nderi i kombit “ nga Federata Shqipëtare e futbollit. Jasir Asani pushtoi “UEFA-n” me golat e tij dhe së bashku me lojtarët e kombëtares shkruajten historinë për herë të dytë dhe u kualifikuan në Euro2024. Faleminderit JASIR ASANI.
Leave a Reply